Nulla in mundo pax sincera
sine felle; pura et vera
dulcis Jesu est in te.
Inter poenas et tormenta
vivit anima contenta,
casti amoris, sola spe.
Blando colore oculos mundus decipit
at occulto vulnere corda conficit.
Fugiamus ridentem
vitemus sequentem
has delicias ostentando;
arte secura vellet ludendo superare.
Spirat anguis inter flores
et colores explicando tegit fel.
Spirat anguis, sed tegit fel.
Sed occulto factus ore
homo demens in amore
saepe lambit quasi mel.
Alleluia-