He 'ala nei e mapu mai nei,
Na ka makani lau aheahe
I lawe mai a ku'u nui kino.
Ho'opumehana i ko aloha.

E ke hoa o ke ahe lau makani,
Halihali 'ala o ku'u 'aina.

He 'ala nei e moani mai nei,
Na ka ua noe Lililehua
I lawe mai a ku'u poli.
Ho'opumehana i ku'u poli.

E ke hoa o ke ahe lau makani,
Halihali 'ala o ku'u 'aina.
He 'ala nei e puia mai nei,
Na ka makani anu kolonahe
I lawe mai no a pili
Ho'opumehana i ka mana'o.

E ke hoa o ke ahe lau makani,
Halihali 'ala o ku'u 'aina.
He 'ala nei e aheahe mai nei,
Na ka leo hone a na manu
I lawe mai a loa'a au
Ho'opumehana i ko leo.
E ke hoa o ke ahe lau makani,
Halihali 'ala o ku'u 'aina.