Ka Makua mana loa,
Maliu mai ia makou
E haliu aku nei
Me ka na'au ha'aha'a.
E mau ka maluhia
O nei pae 'aina
Mai Hawai'i a Ni'ihau,  
Ma lalo o kou malu.
E mau ke ea o ka 'aina
Ma kou pono mau,
A ma kou mana nui,
E ola, e ola ka mo'i.
E ka haku malama mai
I ko makou nei mo'i.
E mau kona noho 'ana
Ma luna o ka noho ali'i.
Ha'awi mai i ke aloha
Ma loko a kona na'au,
A ma kou ahonui,
E ola, e ola ka mo'i.
E mau ke ea o ka 'aina
Ma kou pono mau,
A ma kou mana nui,
E ola, e ola ka mo'i.
Ma lalo o kou aloha nui,
Na Li'i o ke Aupuni
Me na maka'ainana
Ka lehulehu no a pau,
Kia'i mai ia lakou
Me ke aloha ahonui.
E ola no makou
I kou mana mau.
E mau ke ea o ka 'aina
Ma kou pono mau,
A ma kou mana nui,
E ola, e ola ka mo'i.
E ola, e ola ka mo'i.